Gjatë kësaj jave fëmijët u angazhuan me shumë dëshirë dhe gëzim për nder të festës së 28 Nëntorit.
Fëmijët së bashku me edukatoret realizuan punime të ndryshme me motive kombëtare, duke shprehur kreativitetin dhe dashurinë e tyre për flamurin kuq e zi. Përmes aktiviteteve dhe punimeve fëmijët mësuan për historinë e flamurit shqiptar, rëndësinë dhe domethënien që ka për popullin tonë.
T’u shpjegosh fëmijëve për kulturën, vlerat dhe traditën shqiptare është thelbësore në zhvillimin e edukimit të tyre, sepse kjo iu ndihmon të kuptojnë rrënjët, vlerat dhe historinë e popullit duke ndërtuar një lidhje të fortë emocionale dhe sociale më atdheun. Ata zhvillojnë respekt, krenari dhe vetëdije për identitetin kombëtar, që janë elemente të rëndësishme për formimin e tyre personal e qytetar.
Në kopsht fëmijët recituan, kënduan dhe vallëzuan me shumë dashuri dhe emocion.
Ishte një ditë e mbushur me emocione, ngjyra dhe buzëqeshje, ku flamuri kuq e zi valëviti në duart e fëmijëve.
Kjo festë na kujton se dashuria për atdheun fillon që në fëmijëri.
URIME 28 NËNTORI!
